ՏԵՍԱՆՅՈՒԹ. «Ցուցմունքների մեծ մասը սուտ էր»․ Ծառուկյանի փաստաբանը՝ իրանցու հետ 10-ժամյա առերեսումից հետո

ԲՀԿ առաջնորդ Գագիկ Ծառուկյանի՝ ավելի քան 10 ժամ տևած քննչական գործողությունը եղել է առերեսում Իրանի քաղաքացու հետ։

Ծառուկյանի փաստաբանները լրագրողների հետ զրույցում հայտարարել են, որ իրանցի քաղաքացու ցուցմունքների մեծ մասը, իրենց գնահատմամբ, չի համապատասխանում իրականությանը։

Փաստաբանների խոսքով՝ իրենք բազմաթիվ հարցեր են ուղղել Իրանի քաղաքացուն, սակայն դրանք չեն հասցրել ավարտել։ Նրանք նշել են, որ քննիչները հիմնականում հիմնվել են հայտարարությունների վրա, թե իբր Ծառուկյանը գումար է հափշտակել, մինչդեռ, ըստ պաշտպանական կողմի, առկա փաստերը հակառակն են ցույց տալիս։

Փաստաբան Երեմ Սարգսյանը հայտնել է, որ վաղը առերեսումը կարող է շարունակվել նույն անձի հետ, կամ կարող են անցկացվել առերեսումներ այլ անձանց մասնակցությամբ։