ՌԴ-ում Wildberries-ի ևս երկու լոգիստիկ կենտրոն է այրվում, կան տուժածներ

Ռուսաստանի Կրասնոդարում և Ստավրոպոլի երկրամասի Նևիննոմիսսկ քաղաքում հրդեհներ են բռնկվել Wildberries-ի լոգիստիկ կենտրոններում։ Տեղեկությունը հաստատել են երկու մարզերի իշխանությունները, ինչպես նաև ընկերության հիմնադիր Տատյանա Քիմը։

Կրասնոդարի օպերատիվ շտաբի տվյալներով՝ պահեստի վրա հարձակման հետևանքով տուժել է երեք մարդ։ Եվս երկու վիրավոր կա Նևիննոմիսսկում, հայտնել է Ստավրոպոլի երկրամասի նահանգապետ Վլադիմիր Վլադիմիրովը։

Հիշեցնենք, որ հուլիսի 18-ին Ուկրաինան հարվածներ էր հասցրել Wildberries-ի երկու պահեստների՝ Տամբովի մարզի Կոտովսկ քաղաքում և Մոսկվայի մարզի Էլեկտրոստալում։ Ըստ վերջին տվյալների՝ այդ հարվածների հետևանքով զոհվել է ութ, վիրավորվել՝ շուրջ 50 մարդ։

Ուկրաինայի նախագահը հայտարարել էր, որ այդ հարվածները պատասխան էին Ռուսաստանի կողմից Ուկրաինայի քաղաքացիական ենթակառուցվածքների վրա իրականացվող հարձակումներին։