ՆԱՍԱ-ի նոր գաղտնիքներից մեկը․ ինչ է սպասվում Մարսին 2028-ին

ԱՄՆ-ի Օդագնացության և տիեզերական տարածության հետազոտության ազգային վարչությունը (ՆԱՍԱ) մտադիր է մոտ 2,1 միլիարդ ԱՄՆ դոլար հատկացնել միջուկային էներգետիկ կայանքով հագեցած «Սփեյս Ռեակտոր 1» ապարատի ստեղծման և այն 2028 թվականի վերջում դեպի Մարս ուղարկելու համար։

«Նախնական գնահատականների համաձայն՝ արժեքը կկազմի մոտ 2,1 միլիարդ ԱՄՆ դոլար։ ՆԱՍԱ-ն կշարունակի ճշգրտել այդ գումարը գնումների գործընթացի ընթացքում», — Politico թերթին հայտնել են ամերիկյան տիեզերական գերատեսչության ներկայացուցիչները։ Նախագծի ֆինանսավորումը նախատեսված է ընթացիկ տարվանից մինչև 2029 թվականը։

Ապարատը պետք է Մարս հասցնի երեք ռոբոտացված ուղղաթիռ՝ մոլորակի մակերևույթն ուսումնասիրելու համար։ Ամերիկյան տիեզերական գերատեսչությունը առայժմ չի բացահայտում նոր ծրագրի արժեքը, որը ստացել է «ՍքայՖոլ» անվանումը։