Թրամփը պատրաստ է անձամբ խոսել Մադուրոյի հետ
ԱՄՆ նախագահ Դոնալդ Թրամփը պատրաստ է անձամբ հաղորդակցվել Վենեսուելայի նախագահ Նիկոլաս Մադուրոյի հետ։ Այս մասին հայտնում է Axios-ը:
Պարբերականի տվյալներով՝ հնարավոր հեռախոսազանգի ամսաթիվը դեռ սահմանված չէ, սակայն գործընթացը արդեն ընթացքի մեջ է։
Թրամփի վարչակազմի ներկայացուցիչները նշում են, որ Մադուրոյի նկատմամբ՝ իշխանության բռնազավթման գործողություններ այս փուլում չեն նախատեսվում։ Թրամփի խորհրդականների խոսքով՝ դիվանագիտական լուծումը հիմա ավելի իրատեսական է, քան ռազմական միջամտությունը։
Նրանք ընդգծում են, որ ԱՄՆ նախագահը ձգտում է միաժամանակ դադարեցնել թմրանյութերի հոսքը դեպի ԱՄՆ և պահպանել իր «գործողությունների ազատությունը»՝ չբացառելով ապագա սցենարների տարբերակները։
