Վրաստանում ճանապարհաշինարարական աշխատանքների ժամանակ չորս օտարերկրացի աշխատող է մահացել

Վրաստանում Քվեշեթի-Կոբի ճանապարհի շինարարության ժամանակ սողանք է տեղի ունեցել։ Այս մասին հայտնում է Վրաստանի ճանապարհային դեպարտամենտը։

Ըստ հաղորդագրության՝ հողի զանգվածի տակ են մնացել շինարարական ընկերության հինգ աշխատակից։ Նրանք Թուրքմենստանի և Չինաստանի քաղաքացիներ են։ Նրանցից չորսի մարմինները դուրս են բերվել, իսկ մեկ վիրավոր տեղափոխվել է հիվանդանոց։

Հետաքննություն է սկսվել։

Ճանապարհային դեպարտամենտը պահանջել է, որ խստորեն պահպանվեն անվտանգության կանոնները։