DOGE դեպարտամենտը դադարեցրել է իր գործունեությունը

ԱՄՆ նախագահ Դոնալդ Թրամփի Կառավարության արդյունավետության դեպարտամենտը (DOGE) լուծարվել է իր լիազորությունների ժամկետի ավարտից ութ ամիս շուտ։ Այն խորհրդանշում էր կառավարության աշխատակազմը կրճատելու Թրամփի խոստումը: Հայտնում է Reuters գործակալությունը:

«Այն գոյություն չունի»,-  հայտնել է Անձնակազմի կառավարման վարչության (OPM) տնօրեն Սքոթ Կուպորը՝ պատասխանելով DOGE-ի կարգավիճակի վերաբերյալ հարցին։

Հավելենք՝ Թրամփի վարչակազմի ներկայացուցիչները բացահայտ չեն հայտարարել, որ DOGE-ն այլևս գոյություն չունի, նույնիսկ մայիսին Մասկի և Թրամփի հրապարակային վեճից հետո։ Այդ ժամանակից ի վեր Մասկը լքել է Վաշինգտոնը։ Այնուամենայնիվ, Թրամփը և նրա թիմը այս տարվա ամռանից հրապարակայնորեն հայտարարում էին դրա լուծարման մասին՝ չնայած նրան, որ ավելի վաղ՝ իր նախագահական ժամկետի ընթացքում, ԱՄՆ նախագահը ստորագրել էր հրամանագիր, ըստ որի՝ գերատեսչության գործառույթները պետք է շարունակվեին մինչև 2026 թվականի հուլիսը։