Ֆրիդրիխ Մերցի ասուլիսին ռուս լրագրողներին չեն թույլատրի մասնակցել

 «G20» գագաթնաժողովի ընթացքում Գերմանիայի պատվիրակությունը հրաժարվել է ռուսական լրատվամիջոցների ներկայացուցիչներին թույլ տալ մասնակցել Գերմանիայի կանցլեր Ֆրիդրիխ Մերցի մամուլի ասուլիսին։ Նրանց հայտնել են, որ մասնակցելու իրավունք ունեն միայն գերմանացի լրագրողները, փոխանցում է «Ռիա Նովոստի»-ն:

Ավելի վաղ G20-ի առաջնորդները հռչակագիր են ընդունել, որով կոչ էին անում կարգավորել հակամարտությունները ամբողջ աշխարհում, այդ թվում՝ Ուկրաինայում։

Գագաթնաժողովի մասնակիցները նաև կոչ էին արել ընդլայնել ՄԱԿ-ի Անվտանգության խորհուրդը՝ ընդգրկելով Աֆրիկայի, Ասիա–խաղաղօվկիանոսյան տարածաշրջանի և Լատինական Ամերիկայի ներկայացուցիչներին։ Նշվել էր, որ այս փոփոխությունը կհամապատասխանի 21-րդ դարի պահանջներին՝ ապահովելով ավելի ներկայացուցչական, ներառական ու ժողովրդավարական գործընթաց, ինչպես նաև մեծացնելով թափանցիկությունը ՄԱԿ-ի բոլոր անդամների համար։