Թեման մի՛ շեղիր երրորդական հարցերով․ Նարեկ Կարապետյանը՝ ՀԿԾՀ նախագահին

ՀԿԾՀ նախագահ Մեսրոպ Մեսրոպյանի հայտարարությանը, թե ՀՀ բոլոր սպառողների հաշվիչների՝ 2018-ից 2024-ի հոկտեմբեր ամիսների ցուցմունքները ՀԷՑ-ի սերվերից անհետացել են, արձագանքել է «Մեր ձևով» շարժման համակարգող Նարեկ Կարապետյանը։ Facebook-ի էջում նա գրել է․

«ՀԿԾՀ նախագահը, մարդկանց մոտ կասկած առաջացնելու համար, հայտարարել է, թե 2019-ից մինչև 2024 թվականների ՀԷՑ-ի լույսի ցուցմունքների բազան մեկ տարի առաջ ջնջվել է։ Մի փոքր մոռացել է հավելել, որ իմ ՀԷՑ-ում ներգրավվելուց հետո այն ծրագրավորողների հետ վերականգնվել է՝ ամսական տվյալներով։ Թեման մի՛ շեղիր երրորդական հարցերով, պարո՛ն Մեսրոպյան, և իջեցրո՛ւ սակագինը 7 %»,- գրել է նա։