Ռուսական գազից հրաժարվելու հետևանքները ծանր կլինեն Թուրքիայի համար. փորձագետ
Թուրքիայի կողմից ռուսական էներգակիրների ներմուծման հնարավոր դադարեցումը կարող է արագացնել գնաճը և արդյունաբերական արտադրության դանդաղումը: Այդ մասին РИА Новости-ի հետ զրույցում հայտարարել է թուրք տնտեսագետ Սերհաթ Լատիֆօղլուն՝ նշելով, որ այլընտրանքային աղբյուրների անցումը այս փուլում կարող է սխալ հաշվարկ դառնալ Անկարայի համար։
Թեման քննարկման առարկա դարձավ այն բանից հետո, երբ ԱՄՆ նախագահ Դոնալդ Թրամփը հայտարարել էր, թե Թուրքիան կարող է դադարեցնել ռուսական նավթի գնումները։ Նրա բանակցությունները Թուրքիայի նախագահ Ռեջեփ Թայիփ Էրդողանի հետ կայացել էին Վաշինգտոնում։
Ռուսաստանի արտաքին գործերի նախարար Սերգեյ Լավրովը, անդրադառնալով այդ հայտարարություններին, ասել է, որ Մոսկվան հարգում է Անկարայի դիրքորոշումը և վստահ է, որ Թուրքիան իր էներգետիկ քաղաքականությունը կկարգավորի ազգային շահերից ելնելով։
