ԱՄՆ-ն կպարտադրի՝ Զելենսկին խաղաղության ծրագիրը ստորագրի. Կիևին զգալի զիջումներ են սպասվում
Ուկրաինայի իշխանությունները ենթադրում են, որ ԱՄՆ նախագահ Դոնալդ Թրամփի ճնշումը կապված է Ռուսաստանի հետ խաղաղության ծրագրի շուտափույթ ստորագրման նպատակով։ Այս մասին հաղորդում է Financial Times-ը հղում անելով՝ ուկրաինացի պաշտոնյաների:
Պարբերականի փոխանցմամբ՝ ԱՄՆ պաշտոնյաները սպասում են, որ Վլադիմիր Զելենսկին Ռուսաստանի հետ համատեղ մշակված համաձայնագիրը ստորագրի մինչև նոյեմբերի 27-ը։
Թերթի տվյալներով՝ Թրամփի հաստատած 28 կետանոց խաղաղության ծրագիրը ենթադրում է Կիևի կողմից զգալի զիջումներ։ Պաշտոնյաները նշել են նաև, որ Սպիտակ տունը ակտիվորեն գործում է՝ մինչև տարեվերջ դադարեցնելու Ուկրաինայում շարունակվող հակամարտությունը։
