«Դուք կարող եք ապավինել մեզ». Լուկաշենկոյին ընդունել է Իրանի ղեկավարը
Թեհրանում կայացած բանակցություններից հետո Բելառուսի նախագահ Ալեքսանդր Լուկաշենկոն և Իրանի նախագահ Էբրահիմ Ռաիսին ստորագրել են երկրների միջև 2023-2026 թվականների համապարփակ համագործակցության ճանապարհային քարտեզը:
Իրանցի գործընկերոջ հետ հանդիպման ժամանակ Ալեքսանդր Լուկաշենկոն վստահեցրել է, որ Մինսկը կանի անհրաժեշտ ամեն ինչ ստորագրված համաձայնագրերը կյանքի կոչելու համար։
«Դուք կարող եք ապավինել մեզ»,- ընդգծել է պետության ղեկավարը։
Ճանապարհային քարտեզը նախատեսում է Բելառուսի և Իրանի միջև համապարփակ համագործակցություն քաղաքական, տնտեսական, հյուպատոսական, գիտական և տեխնիկական, ինչպես նաև կրթության, մշակույթի, արվեստի, լրատվամիջոցների և զբոսաշրջության ոլորտներում:
