Թրամփը պահանջել է Էպշտեյնի նյութերի հրապարակում. նոր բացահայտումներ՝ հայտնի անձինք են ներգրավված

The Hill-ը գրում է, որ ԱՄՆ նախագահ Դոնալդ Թրամփը ստորագրել է օրինագիծ, որը պարտադրում է հրապարակել ֆինանսիստ Ջեֆրի Էպշտեյնի հետ կապված փաստաթղթերը։ Ըստ հաղորդագրության՝ նա պաշտոնապես հանձնարարել է Արդարադատության նախարարությանը բացել Էպշտեյնի վերաբերյալ բոլոր ոչ գաղտնի նյութերն ու գրառումները։

Ֆինանսիստ Ջեֆրի Էպշտեյնը ձերբակալվել էր 2019 թվականի հուլիսին։ Նյու Յորքի նահանգի դատախազությունը հայտարարել էր, որ 2002–2005 թվականներին նա իր Մանհեթենի տան էր տարել տասնյակ անչափահաս աղջիկների, որոնց մեջ ամենաերիտասարդը 14 տարեկան էր։ Էպշտեյնի շրջապատում եղել են ԱՄՆ-ի և այլ երկրների մի շարք ազդեցիկ անձինք, այդ թվում՝ նախկին պետությունների ղեկավարներ, գործարարներ և հայտնի մարդիկ։

2019 թվականի օգոստոսի 10-ին Էպշտեյնը ինքնասպանություն էր գործել բանտում, ինչից հետո քրեական գործը դադարեցվել էր։ Այնուամենայնիվ, միջադեպը և նրա կապերին վերաբերող փաստաթղթերը  լայն քննարկվում են ԱՄՆ հասարակության շրջանում։