ԼՀԿ պատգամավոր Մանե Թանդիլյանն այսօր հրաժարական տալու անհրաժեշտության մասին ակնարկներ արեց շրջակա միջավայրի նախարար Էրիկ Գրիգորյանին։ Պատգամավորի կարծիքով՝ նախարարը չի կարողանում ապահովել պատշաճ ծրագրերի իրականացումն իր ոլորտում։

Բանավեճը սկսվեց նրանից, որ Թանդիլյանը հիշեցրեց՝ բնապահպանական ծախսերը, ըստ օրենքի, պետք է ավելի բարձր լինեն։ Գրիգորյանն էլ պատասխանեց, որ համաձայն է՝ պետք է բարձր լինեն, բայց օրենքում մեկնաբանության հարց կա։

«Եթե Դուք պատրաստ չեք այդ ծրագրերը իրականացնել, կամ ֆինանսների նախարարը՝ դա ընդունել, կներեք, ինձ մոտ Ձեր պաշտոնավարման նպատակահարմարությունը հարցականներ է առաջացնում…»,- ասաց Թանդիլյանը։«Պատասխան կամ մեկնաբանությո՞ւն եք ակնկալում»,- հարցրեց Գրիգորյանը։

«Ձեր իրավունքն է»,- արձագանքեց Թանդիլյանը։

«Լավ»,- ասաց Գրիգորյանն ու լռեց։