ԱՄՆ-ն վստահեցրել է Ուկրաինային, որ հաշվի կառնի նրա դիրքորոշումը կարգավորման վերաբերյալ. Axios

ԱՄՆ վարչակազմը Ուկրաինային և եվրոպական պետություններին հայտնել է, որ առաջարկվող կարգավորման պլանը մշտապես թարմացվում է և հաշվի է առնում նրանց առաջարկներն ու դիրքորոշումները։ Այդ մասին, ինչպես փոխանցում է Axios պորտալը, ասել է ԱՄՆ բարձրաստիճան պաշտոնյան։

Նշվում է, որ նախագահ Դոնալդ Թրամփի վարչակազմի ներկայացուցիչները վերջին օրերին ակտիվորեն աշխատել են գործընկերներին հավաստիացնելու համար, որ քննարկվող ծրագիրը «կենդանի փաստաթուղթ» է։ Պաշտոնյաների խոսքով՝ փաստաթուղթը կարող է փոփոխվել՝ ըստ կողմերի մասնակցության և ներկայացված դիտարկումների։

Նրա խոսքով՝ ԱՄՆ-ն կարևորում է եվրոպական գործընկերների ներգրավվածությունը և պատրաստ է շարունակել քննարկումները։

Այս հայտարարությունները հնչում են այն փուլում, երբ մի քանի մայրաքաղաքներում ընթանում են ակտիվ քննարկումներ առաջարկվող պլանի շուրջ, իսկ Վաշինգտոնը փորձում է ապահովել միասնական մոտեցում։