Եվրոպական հանձնաժողովը նշել է Ուկրաինայում հակամարտության հնարավոր դադարեցման ժամկետը

Ուկրաինային 2026 և 2027 թվականների համար ֆինանսական օգնությունը պլանավորելիս Եվրոպական հանձնաժողովը կանխատեսում է, որ Ուկրաինայում հակամարտությունը պետք է ավարտվի մինչև 2026 թվականի վերջը։ Այս մասին ասվում է Եվրահանձնաժողովի նախագահ Ուրսուլա ֆոն դեր Լեյենի՝ Եվրամիության պետությունների ղեկավարներին ուղղված նամակում։

«Ուկրաինայի ֆինանսավորման պակասի մասշտաբները զգալի են։ Արժույթի միջազգային հիմնադրամի նախնական կանխատեսումների համաձայն, նույնիսկ եթե պատերազմն ավարտվի 2026 թվականի վերջին, և հաշվի առնելով ԵՄ-ի, նրա անդամ պետությունների և միջազգային գործընկերների կողմից խոստացված ողջ աջակցությունը, Ուկրաինան դեռևս կբախվի հսկայական պակասորդի, որը չի կարող հաղթահարվել առանց նոր ֆինանսավորման», - գրել է նա։

Եվրոպական հանձնաժողովի նախագահը հիշեցրել է, որ 2025 թվականի հոկտեմբերին Եվրոպական խորհուրդը պարտավորվել է «բավարարել Ուկրաինայի 2026-2027 թվականների համար անհրաժեշտ ֆինանսավորման հրատապ կարիքները, այդ թվում՝ ռազմական կարիքները»։

Հիշեցնենք, որ անցյալ շաբաթ Գերմանիայի կանցլեր Ֆրիդրիխ Մերցը հայտարարել է, որ ԵՄ-ն առաջիկա շաբաթներին կպատրաստի Ռուսաստանի դեմ նոր պատժամիջոցների փաթեթ։