«Զանգեզուրի միջանցք»-ի շինարարությունը մոտենում է ավարտին․ Ալիև
Ադրբեջանի նախագահ Իլհամ Ալիևը Տաշքենդում Կենտրոնական Ասիայի պետությունների ղեկավարների 7-րդ խորհրդատվական հանդիպման ընթացքում նշել է, որ այս տարվա օգոստոսին Վաշինգտոնում ձեռք բերված պայմանավորվածությունները, որոնք վերաբերում են Ադրբեջանի հիմնական տարածքի և Նախիջևանի Ինքնավար Հանրապետության կապմանը, կնպաստեն միջազգային փոխադրումների տարանցիկ հնարավորությունների ընդլայնմանը։ Նրա խոսքով՝ Ադրբեջանի տարածքում «Զանգեզուրի միջանցք»-ի շինարարությունն արդեն մոտենում է ավարտին։
Նախագահը նշել է, որ 15 մլն տոննա թողունակությամբ երկաթգիծը սկզբնական փուլում նախատեսվում է դառնալ միջին միջանցքի կարևոր հատվածը։ Ալիևի խոսքով՝ այսօր Ադրբեջանը և Կենտրոնական Ասիան հանդես են գալիս որպես կապող օղակ՝ միավորելով Արևելքն ու Արևմուտքը, Հյուսիսն ու Հարավը։ Նա ընդգծել է, որ միջին միջանցքի զարգացումը ռազմավարական նշանակություն ունի տարածաշրջանի երկրների համար, իսկ տրանսպորտային ու լոգիստիկ ենթակառուցվածքների արդիականացումը, մաքսային ընթացակարգերի համաժամացումը և թվայնացումը ստեղծում են լայն հնարավորություններ բեռնափոխադրումների ավելացման, տնտեսական կայունության ամրապնդման և միջազգային շուկաներում համագործակցության ընդլայնման համար։
Նա հավելել է, որ վերջին երեք տարիներին միջին միջանցքով Ադրբեջանի տարածքով իրականացվող բեռնափոխադրումները աճել են 90 տոկոսով։
