Որևէ ուժի հետ կոալիցիա չենք կազմի․ Վահրամ Ավագյան
«Ազատ դեմոկրատներ» կուսակցությունը վստահ է իր հաղթանակում և որևէ ուժի հետ կոալիցիա մտադիր չէ կազմել։ Այսօր Վաղարշապատի 14/12 ընտրատեղամասի մոտ լրագրողների հետ զրույցում հայտարարել է «Ազատ դեմոկրատներ» կուսակցության համայնքապետի թեկնածու Վահրամ Ավագյանը։
Վահրամ Ավագյանը հավելել է, որ իրենց ուժի նպատակը մեկն է` Վաղարշապատը դարձնել իր կարգավիճակին հարիր քաղաք։
Հավելենք՝ ժամը 14։ 00-ի դրությամբ, Վաղարշապատ համայնքի ավագանու ընտրություններին քվեարկելու իրավունք ունեցող 69866 քաղաքացիներից ընտրությանը մասնակցել է 22․71%-ը կամ 15868 ընտրող։
