Բայրամովը ՀՀ Սահմանադրության մասին հերթական հայտարարությունն է արել

Ադրբեջանի ԱԳ նախարար Ջեյհուն Բայրամովը Սաուդյան Արաբիայի արտաքին գործերի նախարար, արքայազն Ֆեյսալ բին Ֆարհան Ալ-Սաուդի հետ հանդիպմանը խոսել է նաև Հայաստանի հետ հարաբերությունների կարգավորման գործընթացից։

«Նախարար Ջեյհուն Բայրամովը մանրամասն տեղեկատվություն է ներկայացրել տարածաշրջանում տիրող հետհակամարտային իրավիճակի, ադրբեջանա-հայկական հարաբերությունների կարգավորման գործընթացի ներկա վիճակի, առկա մարտահրավերների, այդ թվում՝ Հայաստանի Սահմանադրությունում ամրագրված տարածքային շարունակվող պահանջների մասին»,- ասվում է հայտարարության մեջ։

Բայրամովը նաև տեղեկացրել է օկուպացված Արցախում իրականացվող «վերականգնման և շինարարական աշխատանքների, ինչպես նաև ականների սպառնալիքի դեմ պայքարի միջոցառումների մասին»։