Թրամփը՝ Պուտինի հետ ունեցած հարաբերությունների մասին
ԱՄՆ նախագահ Դոնալդ Թրամփը հայտարարել է, որ իր ռուս գործընկեր Վլադիմիր Պուտինի հետ ունեցած հարաբերությունները դիտարկում է որպես ուկրաինական կարգավորման գործոն։
«Ես կարծում էի, որ շատ լավ հարաբերություններ ունեմ նախագահ Պուտինի հետ, կարծում էի, որ ուկրաինական հակամարտությունը ավելի հեշտ կլինի լուծել», - ասել է Թրամփը GB News-ին տված հարցազրույցում։
Նրա խոսքով՝ ուկրաինական հակամարտությունը շուտով կլուծվի, ինչպես լուծվել են մյուս ութը։ ԱՄՆ նախագահի պնդմամբ՝ այդ հակամարտությունների լուծման գործում ամենամեծ ներդրումն ինքն է ունեցել։
