ՆԱՏՕ–ն համաչափ է համարում Իսրայելի պատասխանը ՀԱՄԱՍ-ի հարձակմանը
ՆԱՏՕ–ն համաչափ է համարում Իսրայելի պատասխանը ՀԱՄԱՍ-ի հարձակմանը և հույս ունի, որ այն այդպիսին էլ կմնա: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը ՆԱՏՕ-ի պաշտպանության նախարարների հանդիպման առաջին օրվան հաջորդած մամուլի ասուլիսում։
«Իսրայելի պատասխանը համաչափ է, մենք ակնկալում ենք, որ այն կլինի համաչափ: Մենք նաև ակնկալում ենք, որ մինչ հակամարտությունը շարունակվում է, Իսրայելը կանի հնարավոր ամեն բան՝ կանխելու խաղաղ բնակիչների կորուստը: Մենք նաև կոչ ենք անում Իսրայելի նկատմամբ թշնամաբար տրամադրված բոլոր երկրներին և կազմակերպություններին չփորձել օգտվել իրավիճակից, որը կհանգեցնի հակամարտության սրմանը»,- ասել է նա։
«Մենք տեսնում ենք, որ ԱՄՆ-ն մեծացրել է իր ռազմական ներկայությունը հակամարտության գոտում՝ կանխելու դրա հետագա սրումը»,- ասել է նա։
Նրա խոսքով՝ Իսրայելն արդեն աջակցություն է ստացել ՆԱՏՕ-ի մի քանի երկրներից «հետախուզական եւ այլ տեսակի օգնության տեսքով»։ ՆԱՏՕ-ն ակնկալում է, որ Իսրայելը կանի հնարավոր ամեն բան՝ խաղաղ բնակչության շրջանում զոհերից խուսափելու համար։
