Մոտ ապագայում Իրանում սպասվում է 3+3 ձևաչափով հանդիպում. ադրբեջանական ԶԼՄ–ներ

Ադրբեջանական լրատվամիջոցները տեղեկատվություն են տարածում այն ​​մասին, որ Իրանում արտաքին գործերի նախարարների մակարդակով անցկացվելու է տարածաշրջանային 3+3 ձևաչափով հանդիպում: (Հայաստան, Ադրբեջան, Թուրքիա, Ռուսաստան, Իրան, Վրաստան): 

Նշվում է, որ պաշտոնական Երևանը համաձայնել է մասնակցել հանդիպմանը։ Վրաստանի մասին տեղեկություններ չկան։ 

ՀՀ արտաքին գործերի նախարարության մամուլի քարտուղար Անի Բադալյանը ոչ հերքել է, և ոչ էլ հաստատել Հայաստանի մասնակցության մասին տեղեկությունը. 

«Նախարարի այցերի և հանդիպումների մասին պատշաճ կտեղեկացնենք»,- ասել է ԱԳՆ մամուլի քարտուղարը։