ՆԳ նախարարի հորդորը ծառայողներին՝ զգոնություն, ոչ թե պատժում
ՆԳ նախարար Արփինե Սարգսյանը հանդիպել է ՆԳՆ Ներքին անվտանգության և հակակոռուպցիոն վարչության աշխատակիցներին, այս մասին հայտնում են նախարարությունից։
Նա նշել է, որ վարչության դերը վերափոխվել է ՆԳՆ ստեղծումից հետո՝ կենտրոնանալով ներքին կարգապահության և հակակոռուպցիոն ուղղությունների վրա։ Սարգսյանի խոսքով՝ նպատակն է ապահովել առավել բարձր զգոնություն և ընթացակարգերի արդյունավետություն, ոչ թե պատժել ծառայողներին։
Նախարարը կարևորել է օբյեկտիվության պահպանման հանձնառությունը՝ որպես ներքին կարգապահությունը բարձր մակարդակով պահելու կարևոր սկզբունք։ Վարչությունում իրականացվել են շուրջ 3400 ծառայողական քննություններ, կիրառվել են 1112 կարգապահական տույժեր, նախաքննության մարմիններին ուղարկվել է 86 նյութ, նախաձեռնվել է 77 քրեական վարույթ։
Սարգսյանը հանձնարարել է առաջիկա ամիսներին կենտրոնանալ ուժային միջոցների կիրառման ստանդարտի ներդրման վրա։
Հավելենք՝ միջոցառման վերջում կազմակերպվել է պարգևատրման արարողություն։
