Իլհամ Ալիևի ուղերձը Պաղեստինին
Ադրբեջանի և Պաղեստինի ժողովուրդներին միավորում են բարեկամության և եղբայրության կապերը։ Ինչպես հայտնում է APA-ն, այս մասին նշված է Ադրբեջանի նախագահ Իլհամ Ալիևի՝ Պաղեստինի պետության նախագահ Մահմուդ Աբբասին ուղղված շնորհավորական նամակում։
Ալիևը նշել է, որ Ադրբեջանը մշտապես համերաշխություն է ցուցաբերել պաղեստինյան հարցի նկատմամբ և աջակցում է Արևելյան Երուսաղեմ մայրաքաղաքով անկախ պաղեստինյան պետության ստեղծմանը՝ երկու պետությունների սկզբունքի հիման վրա՝ ՄԱԿ-ի համապատասխան բանաձևերին և որոշումներին համապատասխան։
Նա նաև հույս է հայտնել, որ Շարմ էլ Շեյխում անցկացված Մերձավոր Արևելքի խաղաղության գագաթնաժողովի արդյունքները կնպաստեն տարածաշրջանային խաղաղությանը, կայունությանը և անվտանգությանը։
