Սաակաշվիլին խնդրանքով դիմել է Զելենսկիին
Վրաստանի նախկին նախագահ Միխեիլ Սաակաշվիլին ֆեյսբուքում արված իր գրառման մեջ խնդրել է Ուկրաինայի նախագահ Վլադիմիր Զելենսկուն իրեն ներառել քաղաքացիական բանտարկյալների ցանկում։
«Խնդրում եմ ինձ՝ որպես Օդեսայի մարզային պետական վարչակազմի նախկին ղեկավարի, որպես Ազգային բարեփոխումների խորհրդի գործադիր կոմիտեի նախագահ, ներառել քաղաքացիական բանտարկյալների ցուցակում՝ համապատասխան իրավական հետևանքներով»,- գրել է նա։
Վրաստանի նախկին նախագահն Ուկրաինայի քաղաքացիություն է ստացել և զբաղեցրել է Օդեսայի վարչակազմի ղեկավարի պաշտոնը, սակայն ավելի ուշ նրան զրկել են անձնագրից։ 2019 թվականին, Զելենսկու իշխանության գալուց հետո, որոշումը չեղյալ է հայտարարվել։
