Չի բացառվել արտաքին միջամտության հնարավորությունը Վրաստանում կործանված ինքնաթիռի գործով
Թուրքիայի անվտանգության փորձագետները չեն բացառում արտաքին միջամտության հնարավորությունը Վրաստանում կործանված ռազմական С-130 տրանսպորտային ինքնաթիռի վթարի գործով։
Ինչպես հաղորդում են տեղական լրատվամիջոցները՝ հղում անելով անվտանգության ոլորտի աղբյուրներին, նախնական վարկածներից մեկը կապված է էլեկտրոնային կամ տեխնիկական ազդեցության հետ։
Փորձագետների գնահատմամբ՝ հնարավոր է, որ ինքնաթիռի կառավարման համակարգերը ենթարկվել են արտաքին միջամտության, ինչի հետևանքով օդաչուները կորցրել են վերահսկողությունը։ Նրանք ընդգծում են, որ քննությունը պետք է ներառի ոչ միայն տեխնիկական խնդիրների վերլուծություն, այլև հնարավոր կիբեր կամ էլեկտրամագնիսական հարձակումների տարբերակները։
Վթարը տեղի է ունեցել ուսումնավարժական թռիչքի ընթացքում Վրաստանի տարածքում։ Դեպքի հետևանքով զոհվել են անձնակազմի անդամները։
Հետաքննությունը վարում է Վրաստանի պաշտպանության նախարարությունը՝ Թուրքիայի մասնագետների մասնակցությամբ։
