Թրամփը կաջակցի Ռուսաստանի դեմ պատժամիջոցների մասին օրինագծին

ԱՄՆ նախագահ Դոնալդ Թրամփը մտադիր է աջակցել Կոնգրեսում Ռուսաստանի դեմ պատժամիջոցների խստացման վերաբերյալ օրինագծին։ Այս մասին հայտնում է CNN-ը՝ հղում անելով Սպիտակ տան անանուն ներկայացուցչին։

Հեռուստաընկերության տվյալներով՝ եթե օրինագիծն ընդունվի, այն Թրամփի վարչակազմին հնարավորություն կտա, մասնավորապես, մաքսատուրքեր սահմանել այն երկրների նկատմամբ, որոնք շարունակում են ռուսական նավթ գնել։

CNN-ի տեղեկություններով՝ Թրամփը նման որոշում է կայացրել օրինագծի համահեղինակ, հանրապետական սենատոր Լինդսի Գրեհեմի մահից մի քանի օր անց։

Օրինագիծը ներկայացվել էր ապրիլի սկզբին՝ երկկուսակցական խմբի կողմից։ Դրա հիմնական հեղինակներն էին հանրապետական սենատոր Լինդսի Գրեհեմն ու դեմոկրատ սենատոր Ռիչարդ Բլյումենթալը։

Նախաձեռնությունը նախատեսում է նաև երկրորդային պատժամիջոցներ Ռուսաստանի առևտրային գործընկերների նկատմամբ։ Մասնավորապես, առաջարկվում է մինչև 500% մաքսատուրք սահմանել ԱՄՆ ներմուծման համար այն երկրներից, որոնք Ռուսաստանից գնում են նավթ, գազ, ուրան և այլ ապրանքներ։