ՌԴ ՊՆ-ն հայտնել է Կիևի և Օդեսայի ռազմական օբյեկտներին հարվածելու մասին
Ռուսաստանի պաշտպանության նախարարությունը հայտնել է, որ ռուսական զինված ուժերը գիշերը խմբային հարվածներ են հասցրել Ուկրաինայի ռազմական օբյեկտներին։
Ըստ գերատեսչության՝ հարվածներն իրականացվել են օդային և ցամաքային տեղակայման մեծ հեռահարության բարձր ճշգրտության զենքով, ինչպես նաև անօդաչու թռչող սարքերով։
«Այսօր գիշեր ՌԴ ԶՈւ-ն խմբային հարվածներ է հասցրել օդային և ցամաքային մեծ հեռահարության բարձր ճշգրտության զենքով, անօդաչուներով, որի հետևանքով Կիև քաղաքում խոցվել են տարբեր տեսակի հրթիռների և անօդաչուների մշակման ու արտադրությանը մասնակցող ռազմաարդյունաբերական ձեռնարկություններ»,- ասվում է ՌԴ ՊՆ հաղորդագրությունում։
Ռուսաստանի ռազմական գերատեսչությունը նաև հայտարարել է, որ Օդեսայի մարզում հարվածներ են հասցվել «Յուժնի» նավահանգստի ենթակառուցվածքային օբյեկտներին, որոնք, ըստ ՊՆ-ի, օգտագործվում են Ուկրաինայի զինված ուժերի համար վառելիքաքսուքային նյութերի բեռնաթափման և պահպանման նպատակով։
Ուկրաինական կողմը այս հաղորդագրության վերաբերյալ դեռևս մեկնաբանություն չի ներկայացրել։
Հիշեցնենք՝ Ռուսաստանի և Ուկրաինայի միջև ռազմական գործողությունները սկսվել են 2022 թվականի փետրվարի 24-ին և շարունակվում են մինչ օրս։
Նմանատիպ հոդվածներ
Ավելին Քաղաքականություն բաժնից
Առյուծի անկումից հետո Քրիստինա Վարդանյանը դուրս է գալիս Երևանի կենդանաբանական այգու կառավարման խորհրդից
Դատախազը Մարտի 1-ի գործով մեղադրյալի վերաբերյալ քրեական վարույթը վերադարձրել է նախաքննական մարմին
Հերքում եմ՝ Հակակոռուպցիոն կոմիտե չեմ կանչվել, չեմ հարցաքննվել․ Լաուրա Անտոնյան
