ՏԵՍԱՆՅՈՒԹ. Առևտրի կենտրոնում հրդեհ է բռնկվել. կա զոհ. ՌԴ
ՌԴ-ի Չելյաբինսկի մարզի Մագնիտոգորսկ քաղաքի առևտրի կենտրոնում շաբաթ առավոտյան հրդեհ է բռնկվել, կա մեկ զոհ, հայտնում է ՌԴ ԱԻՆ մամուլի ծառայությունը։
Հրդեհը 150 քմ մակերեսով բռնկվել է կենցաղային ապրանքների խանութի երրորդ հարկում։
«12 մարդ ինքնուրույն է տարհանվել շենքից, ցավոք, հայտնաբերվել է մահացած մի կին»,- ասվում է հաղորդագրության մեջ։
Տեղում աշխատում են ՌԴ ԱԻՆ 36 մասնագետներ և 11 միավոր տեխնիկա։
