Քոչարյանի նման իշխանություն ունենալը նվեր է Ալիևի համար․ Բաբաջանյան

«Հանուն Հանրապետության» կուսակցության նախագահ Արման Բաբաջանյանը civic.am-ի տաղավարում անդրադարձել է Հայաստանի երկրորդ և երրորդ նախագահներ Ռոբերտ Քոչարյանի և Սերժ Սարգսյանի հարցազրույցներին։

Բաբաջանյանի խոսքով՝ առաջիկա ընտրությունների նախաշեմին քաղաքական դաշտում նկատվում է ակտիվ շարժ, որը բնորոշել է որպես «բյուրեղացման գործընթաց»։ Նա նշել է, որ քաղաքական ուժերի միջև առկա են տարբեր մոտեցումներ, որոնք կարող են հանգեցնել հետընտրական համագործակցության հնարավոր քննարկումների։

Բաբաջանյանը նաև անդրադարձել է Լևոն Տեր-Պետրոսյանի գործունեությանը՝ կապված անցյալ քաղաքական նշանակումների հետ, ինչպես նաև վերլուծել է Քոչարյանի և Սարգսյանի վերջին հայտարարությունները։

«Որպես ընդդիմություն՝ Քոչարյանի արտաբերած մտքերը ավելի մեծ սպառնալիք են ՀՀ համար, Քոչարյանի նման իշխանություն ունենալը նվեր է Ալիևի համար։ Քոչարյանը ոչինչ պատահական չի ասում, նա ասում է այն, ինչը կարող է Հայաստանին մշտական արնահոսության մեջ պահել»,- ասել է Արման Բաբաջանյանը։