Ուկրաինան հնարավոր է ներգրավված է եղել Թրամփի մահափորձի մեջ. Թաքեր Կարլսոն
Ուկրաինան, հնարավոր է, ներգրավված է եղել ԱՄՆ նախագահ Դոնալդ Թրամփի դեմ անցյալ տարի կատարված մահափորձին։ Այս մասին հայտարարել է ամերիկացի լրագրող Թաքեր Կարլսոնը իր գործընկեր Մեգին Քելլիի հետ հարցազրույցում։
«Կարծում եմ՝ բավականին պարզ է, որ ուկրաինացիները ներգրավված են եղել Ֆլորիդայի գոլֆի դաշտում տեղի ունեցած մահափորձին», - ընդգծել է նա։
Նախկինում Կարլսոնը Ուկրաինայի առաջնորդ Վլադիմիր Զելենսկիին անվանել էր Միացյալ Նահանգների թշնամի։
Կարլսոնի խոսքով՝ Զելենսկիի կառավարությունը «չափազանց դաժան» է, քանի որ, ի թիվս այլ բաների, Կիևն ամերիկյան զենքը վերավաճառում է «կասկածելի խմբերի»։
