ՏԵՍԱՆՅՈՒԹ. Լևոն Տեր-Պետրոսյանը հիպնոս էր անում, դրա համար ես ցվրվում էի. Հովիկ Աղազարյան
Եթե նկատել եք, այսօր Լևոն Տեր-Պետրոսյանի կողքին 90-ականների ժամանակների առաջին դեմքերից որևէ մեկը չկա: Կան երկրորդ, երրորդ էշելոնի ու երիտասարդ սերնդի ներկայացուցիչներ: Այդ համախմբումը կարելի է հասկանալ, քանի որ նա միտք ունի, կարողանում է գնահատակներ տալ, որոնք մարդուն գրավում են: Այս մասին խորհրդարանում լրագրողների հետ զրույցում հայտարարել է իմքայլական Հովիկ Աղազարյանը:
Աղազարյանը նշել է, որ 90-ականներին, երբ ինքը պատգամավոր է եղել, երբ խորհրդարանում կարևոր հարց է քննարկվել, վերջում Տեր-Պետրոսյան է ելույթ ունեցել, ինչից հետո դրել են քվեարկության. «Ես 7-8 ամիս հետո հասկացա, որ ինքը հիպնոս է անում, դրա համար հենց ելույթ էր ունենում ընդմիջում էի խնդրում, որ ցվրվեմ»:
Լևոն Տեր-Պետրոսյանն իրենից բացի որևէ մեկին չէր նկատում: Ըստ Աղազարյանի հիմա առաջին նախագահը ցանկանում է ոչնչացնել իրենց քաղաքական ուժերին, իսկ անձամբ իրեն 90-ականներին ոչնչացրել է. «Նա ուզում է ոչնչացնել նրանց, ովքեր 2008 թվականին իր հետ էին, իրենից շատ բան սովորեցին ու Հայաստանում այսօր իրավիճակ փոխեցին: Ինքը նախանձում է նրանց, ուզում է բախում առաջացնել, որպեսզի ինքը մնա ամենա ամենան»:
«Ինքը չի կարող հանդուրժել այն, որ Նիկոլ Փաշինյանն այս իրավիճակից դուրս գա պատվով ու հունիսի 20-ին ունենա այնպիսի արդյունք, որն իր համար սարսափելի կլինի»,-ասել է Աղազարյանը՝ հավելելով, որ Տեր-Պետրոսյանը նախանձում է Նիկոլ Փաշինյանին, բոլորին է նախանձել. «Վազգեն Մանուկյանն 96 թվականին ընտրվեց նախագահ, սակայն նա իր ամբիցիաներն օգտագործելով, մնաց»:
