Մենք զենքը վայր չենք դնի. «Հեզբոլլահի» առաջնորդ
«Հեզբոլլահի» առաջնորդ Նաիմ Քասեմը հայտարարել է, որ շարժումը զենքը վայր չի դնի և չի հրաժարվի պայքարից, հաղորդում է Mehr գործակալությունը։
«Մենք զենքը վայր չենք դնի, չէ որ հենց այդ զենքն է մեզ թույլ տվել կրակի դադարեցման շուրջ համաձայնության հասնել Իսրայելի հետ», – հայտարարել է նա:
«Հեզբոլլահի» առաջնորդն ընդգծել է, որ «Հեզբոլլահը» հրադադարի ռեժիմը խախտող գործողություններ չի ձեռնարկել․ «Ոմանք շարունակում են պնդել, որ խնդիրը լիբանանցիների կողմն է, մինչդեռ իրականում խախտումներ թույլ են տալիս իսրայելցիները», – նշել է նա:
