Մահափորձ՝ Սիրիայի նախագահի դեմ
Սիրիայի անվտանգության ուժերը հայտնել են, որ չեզոքացրել են «Իսլամական պետություն» ահաբեկչական խմբավորման կողմից իրականացվող երկու դավադրություն, որոնց նպատակն էր մահափորձ իրականացնել նախագահ Ահմեդ ալ-Շարաայի նկատմամբ։ Այս մասին հայտնում է Reuters գործակալությունը՝ հղում անելով իր աղբյուրներին։
Հաղորդվում է, որ մահափորձերից մեկը նախատեսվել էր իրականացնել «նախապես հայտարարված հանդիպման» ժամանակ, որին պետք է մասնակցեր Ահմեդ ալ-Շարաան:
Այլ մանրամասներ, այդ թվում՝ կասկածյալների մասին տեղեկություններ, պաշտոնապես չեն հրապարակվում։ Սիրիական իշխանությունները դեպքի առթիվ մեկնաբանություններ դեռ չեն տվել։
