Մեծ Բրիտանիան Ուկրաինային է փոխանցել նոր Storm Shadow հրթիռներ
Մեծ Բրիտանիան Ուկրաինային է մատակարարել ևս մի քանի Storm Shadow հրթիռներ, տեղեկացնում է BBC-ը։
Չնայած հրթիռների ճշգրիտ քանակը չի հրապարակվում, հաղորդվում է, որ նոր մատակարարումները նախատեսված են ապահովելու Ուկրաինայի պաշարները ամբողջ ձմռան ընթացքում։ Լոնդոնի գնահատմամբ՝ Ռուսաստանը այդ ժամանակահատվածում կարող է ակտիվացնել հարձակումները։
Մեծ Բրիտանիան առաջին անգամ Ուկրաինային մինչև 250 կմ հեռահարությամբ Storm Shadow թևավոր հրթիռներ է փոխանցել 2023 թվականին։
Ուկրաինան դրանք կիրառել է 2024 թվականի նոյեմբերին՝ Ռուսաստանի ռազմական թիրախներին հարվածելու նպատակով։ Բրիտանական իշխանությունները չեն հրապարակել պատերազմի սկզբից ի վեր Կիևին փոխանցված հրթիռների ընդհանուր քանակը։
