Մակրոնը 44-օրյա պատերազմի ժամանակ սպառնացել է Ալիևին. Բայրամովը մանրմասներ է հայտնել
Ադրբեջանի արտաքին գործերի նախարար Ջեյհուն Բայրամովը հայտարարել է, որ 44-օրյա պատերազմի ընթացքում մի շարք երկրների կողմից, այդ թվում՝ Ֆրանսիայի, Ադրբեջանի վրա գործադրվել են քաղաքական և դիվանագիտական ճնշումներ։ Նրա խոսքով՝ ռազմական հաջողությունների ֆոնին այդ ճնշումները գնալով ուժգնացել են և երբեմն վերածվել սպառնալիքների։
Բայրամովի խոսքով՝ Ֆրանսիայի նախագահ Էմանուել Մակրոնը մի քանի անգամ հեռախոսազանգ է կատարել Բաքու՝ պահանջելով անհապաղ դադարեցնել ռազմական գործողությունները։ Ըստ նրա՝ Մակրոնը նշել է, որ եթե Ադրբեջանը կանգ չառնի, Ֆրանսիան կարող է ճանաչել Լեռնային Ղարաբաղը։
Նախարարը նշել է, որ Ադրբեջանի նախագահ Իլհամ Ալիևը անմիջապես պատասխանել է, որ նման քայլը Բաքվի դիրքորոշումը չի փոխի, և եթե Ֆրանսիան դա անի, ապա Ադրբեջանը կխզի դիվանագիտական հարաբերությունները Փարիզի հետ։
