Սերժ Սարգսյանը՝ արտերկիր մեկնելը արգելելու մասին
ՀՀ երրորդ նախագահ Սերժ Սարգսյանի խոսքով՝ իր արտասահմանյան ուղևորությունը չեղարկվել է դատախազների գործողությունների պատճառով։
Սերժ Սարգսյանը «Իմնեմնիմի» փոդքասթում նշել է, որ երբ վերացվել է իր նկատմամբ կիրառված խափանման միջոցը՝ երկրից դուրս գալու արգելքը, պատրաստվել է նոյեմբերի 8-ին մեկնել արտերկիր 8-9 օրով և վերադառնալ։ Սակայն, նրա խոսքով, հաջորդ օրը դատախազները բողոքներ են ներկայացրել դատարաններ, որոնք մերժվել են։ Դրանից հետո, ըստ Սարգսյանի, ուշ երեկոյան տեղեկացել է, որ մեկ այլ քրեական գործով Քննչական կոմիտեն իրեն հրավիրում է հարցաքննության։
«Հաջորդ օրը գնացի, և խափանման միջոց ընտրվեց՝ արգելք արտասահման մեկնելու վրա»,– ասել է Սարգսյանը՝ հավելելով, որ տեղի ունեցածի նպատակը իրեն երկրից դուրս չթողնելն է։
