Ռուսաստանի ԱԳՆ-ն Հայաստանի և Ադրբեջանի վերաբերյալ հայտարարություն է արել
Հայաստանի, Ռուսաստանի և Ադրբեջանի ղեկավարների 2020 թվականի նոյեմբերի 9-ի եռակողմ պայմանավորվածությունները չեն կորցրել իրենց պահանջվածությունը։ Այս մասին ասվում է ՌԴ ԱԳՆ առաջիկա 5-ամյակի պայմանավորվածությունների հայտարարության մեջ։
ՌԴ արտաքին գործերի նախարարության հայտարարության մեջ ընդգծվում է, որ երեք երկրների առաջնորդների՝ ժամեր տևած բանակցությունների արդյունքում հնարավոր է դարձել դադարեցնել արյունահեղությունը և սկսել տարածաշրջանում խաղաղ կյանքի վերականգնման գործընթաց։ Հայտարարության համաձայն, ռուսական խաղաղապահ զորախումբը, իր ծառայողների կյանքի գնով, նշանակալի դեր է ունեցել կայունության և անվտանգության պահպանման գործում։
Նշվում է, որ հետագայում կողմերը ստորագրել են ևս երեք հայտարարություն, որոնք վերաբերում էին հաղորդակցությունների բացմանը, սահմանագծմանն ու սահմանազատմանը։ Ընդհանուր առմամբ, այս չորս բարձր մակարդակի հայտարարությունները համարվում են խաղաղ գործընթացի «ճանապարհային քարտեզ»։ Դրանք շարունակում են մնալ ուժի մեջ և կիրառվում են ինչպես Հայաստանի, այնպես էլ Ադրբեջանի կողմից, այդ թվում՝ ուղիղ երկխոսության ընթացքում։
Հայտարարության մեջ նշվում է, որ հինգ տարի անց էլ Բաքուն և Երևանը դեռ շատ անելիքներ ունեն կարգավորման գործընթացը կայունացնելու համար։ Դրանց թվում են խաղաղության պայմանագրի ստորագրումը, տրանսպորտային և տնտեսական կապերի վերականգնումը, սահմանների հստակ սահմանազատումն ու քաղաքացիական շփումների զարգացումը՝ ի նպաստ Հարավային Կովկասի բոլոր երկրների։
Ռուսաստանը հայտարարել է, որ պատրաստ է շարունակել աջակցությունը հայ և ադրբեջանցի գործընկերներին՝ բոլոր ուղղություններով, այդ թվում՝ «3+3» տարածաշրջանային համագործակցության հարթակի շրջանակում (Ադրբեջան, Հայաստան, Վրաստան, Ռուսաստան, Իրան, Թուրքիա)։
