Ադրբեջանը զինված ստորաբաժանում է տեղակայել Գորիս-Ստեփանակերտ ճանապարհի սկզբնամասում. bagramyan26
Ադրբեջանը զինված ստորաբաժանում է տեղակայել Լաչինի միջանցքով անցնող Գորիս-Ստեփանակերտ ճանապարհի սկզբնամասում՝ Հայաստանի հետ սահմանի մոտ՝ վերջնականապես արգելափակելով երթեւեկությունը այս ճանապարհով, որից ներկայումս օգտվում են միայն խաղաղապահները և Կարմիր Խաչը: Այս մասին հայտնում է bagramyan26 թելեգրամյան ալիքը:
Ըստ տեղեկությունների` նշվում է, որ Գորիս-Ստեփանակերտ նոր ճանապարհը, որը Հայաստանը կառուցում է հին երթուղին փոխարինելու համար, գրեթե պատրաստ է և շուտով կհանձնվի շահագործման։ Ադրբեջանը, ինչպես միշտ, խախտելով պայմանավորվածությունները, մինչ նորը շահագործման հանձնելը փաստացի ամբողջությամբ փակել է եղած ճանապարհը։
Իհարկե, այս պահին դա մեծ խնդիրներ չի ստեղծում, քանի որ Հայաստանն Արցախի հետ կապող ճանապարհն արդեն իսկ փակված է Շուշիի շրջանում Ալիևի չակերտավոր «ցուցարարների» կողմից։ Նոր ճանապարհը, որի շինարարությունը մոտենում է ավարտին, դժվարանցանելի է խաղաղապահների և Կարմիր խաչի մեքենաների տեղաշարժի համար, քանի որ դեռ չասֆալտապատ հատվածներ կան:
