Քննչական կոմիտեն՝ Վահան Քերոբյանի ձերբակալության մասին

Քրեական գործ է հարուցվել հանցավոր խմբի անդամների դեմ, ովքեր 2008-2014 թվականներին, ըստ նախաքննության, հափշտակել են Երևան համայնքին պատկանող շուրջ 73.8 հեկտար հողատարածքներ և կատարել առանձնապես խոշոր չափերի փողերի լվացում։ Այս մասին ֆեյսբուքում գրառում է արել Քննչական կոմիտեի խոսնակ Կիմա Ավդալյանը:

Auroranews.am-ի հետ զրույցում Ավդալյանը նշեց, որ գործի նախաքննության ընթացքում ձերբակալվել է 9 անձ, որոնց նկատմամբ դատարանին ներկայացվել է կալանքը որպես խափանման միջոց ընտրելու միջնորդություն։

Հավելենք՝ ձերբակալվածների թվում է նաև ՀՀ էկոնոմիկայի նախկին նախարար Վահան Քերոբյանը: