Ամերիկացի նախկին հետախույզ Սքոթ Ռիտերին հեռացրել են Նյու Յորք-Ստամբուլ չվերթից․ որն է պատճառը
Ամերիկացի նախկին հետախույզ եւ ՄԱԿ-ի տեսուչ Սքոթ Ռիտերը ՏԱՍՍ-ի թղթակցին հայտնել է, որ իրեն հեռացրել են Նյու Յորքից Ստամբուլ չվերթից, որով նա պատրաստվում էր Ռուսաստան մեկնել Սանկտ Պետերբուրգի միջազգային տնտեսական ֆորումին մասնակցելու համար:
Ռիտերը ծրագրում էր Թուրքիա տարանցմամբ Ռուսաստան թռչել և պետք է թռչեր Ջոն Քենեդիի անվան միջազգային օդանավակայանից։
«Ինձ հեռացրել են Նյու Յորքից չվերթից, որտեղից Ստամբուլ էի ուղեւորվում։ Ինձնից վերցրել են անձնագիրս, թռիչքից հանել են ճամպրուկներս»,-ասել է նա։
Նա հավելել է, որ իրեն չեն հայտնել պատճառը, թե ինչու ամերիկյան իշխանությունները նրան բաց չեն թողել երկրից՝ ասելով միայն, որ դա արվում է Պետդեպարտամենտի հրահանգով: Նրան դուրս են բերել օդանավակայանից և վերադարձրել ճամպրուկները։
Ամերիկացի նախկին հետախույզը հայտնել է, որ Ռուսաստան չի թռչի նաև ամերիկացի նախկին դատավոր, Judging Freedom փոդքասթի հաղորդավար Էնդրյու Նապոլիտանոն, սակայն, ըստ Ռիտերի, վերջինս «չեղարկել է իր ուղևորությունը բոլորովին այլ պատճառներով»:
Սանկտ Պետերբուրգի միջազգային տնտեսական համաժողովը տեղի կունենա հունիսի 5-8 -ը, դրա թեման 2024 թվականին՝ «բազմաբևեռ աշխարհի հիմքը աճի նոր կետերի ձևավորումն է»։ Նախատեսված են փոքր և միջին ձեռնարկատիրության, ստեղծարար բիզնեսի ներկայացուցիչների հանդիպումներ, ՊՄՏՀ երիտասարդական օր, ինչպես նաև «դեղորայքային անվտանգություն», «ՊՄՏՀ Ակադեմիա» և «ՊՄՏՀ Յունիոր» ֆորումներ: Կազմակերպիչը «Ռոսկոնգրես» հիմնադրամն Է:
