Ով մուտք կգործի արգելված տարածք, կտուժի. Իսրայել Կացը՝ Եգիպտոսի սահմանի մոտ ռազմական գոտի է սահմանել
Իսրայելի պաշտպանության նախարարը բանակին հանձնարարել է Եգիպտոսի հետ սահմանի հարակից տարածքը հայտարարել փակ ռազմական գոտի և փոփոխել կրակ բացելու հրահանգները՝ պետության անվտանգությանը սպառնացող անօդաչու թռչող սարքերի դեմ պայքարի նպատակով։
Կացը նշել է, որ ԱԹՍ-ների միջոցով զենքի մաքսանենգությունը Գազայի պատերազմի մի մասն է և ուղղված է Իսրայելի թշնամիներին զինելուն, ուստի անհրաժեշտ է ձեռնարկել կանխարգելիչ բոլոր քայլերը։
«Յուրաքանչյուր ոք, ով մուտք կգործի արգելված տարածք, կտուժի», - ընդգծել է Իսրայելի պաշտպանության նախարարը։
