Հազարավոր չվերթներ են չեղարկվել ԱՄՆ-ում
ԱՄՆ-ում հազարավոր չվերթներ չեղարկվել կամ հետաձգվել են կառավարության շաթդաունի հետևանքով, հայտնում է BBC-ն։ Ավելի վաղ լրատվամիջոցը տեղեկացրել էր, որ դաշնային կառավարությունը 6 տարվա ընթացքում առաջին անգամ դադարեցրել է աշխատանքը՝ Սենատի կողմից ֆինանսական տարվա բյուջեի վերաբերյալ օրինագծի չընդունման պատճառով։
Շաթդաունի ընթացքում պետական կառույցների մեծ մասը դադարեցնում է գործունեությունը․ պետական աշխատողների մի մասը ուղարկվում է չվճարվող արձակուրդ, իսկ մյուսները շարունակում են աշխատել առանց վարձատրության։
Հանրապետականներն ու դեմոկրատները փոխադարձաբար մեղադրում են միմյանց՝ նշելով, որ օրինագծի ընդունման համար անհրաժեշտ էր 100 սենատորից 60-ի կողմ ձայնը։
