Լեհաստանը կփակի օդային տարածքը Ռուսաստանի համար
Լեհաստանի վարչապետ Մաթեուշ Մորավիեցկին հանձնարարել է Նախարարների խորհրդին պատրաստել երկրի օդային տարածքը Ռուսաստանից եկող օդանավերի համար փակելու վերաբերյալ որոշում: Հաղորդագրությունը հրապարակվել է քաղաքական գործչի անձնական Twitter-ում։
«Հանձնարարել եմ պատրաստել Նախարարների խորհրդի որոշումը, որը կփակի օդային տարածքը ռուսական ավիափոխադրողների համար»,-հայտնել է նա։
Ավելի վաղ բրիտանական երկու խոշորագույն ավիաընկերությունները հայտնել էին, որ իրենց ինքնաթիռները դադարել են օգտվել Ռուսաստանի օդային տարածքից։ Ըստ British Airways-ի և Virgin Atlantic-ի հայտարարության՝ ավիաընկերությունները դադարել են օգտվել Ռուսաստանի օդային տարածքից՝ հաստատելով, որ Մոսկվան պատժամիջոցներ է սահմանել Լոնդոնի դեմ:
