Արևմուտքը մտահոգված է Պուտինի վերջին հայտարարություններից
Արևմտյան ռազմական վերլուծաբանները մտահոգություն են հայտնել Ռուսաստանի նախագահի՝ «Պոսեյդոն» անօդաչու ջրատակային սարքի փորձարկման վերաբերյալ հայտարարությունից հետո։ Ինչպես գրում է Daily Mail-ը, Վլադիմիր Պուտինը նշել է, որ սարքը համալրված է միջուկային էներգահամակարգով, որը կարող է գործարկվել ընդամենը վայրկյանների ընթացքում և ունի «անզուգական առավելություններ»։
Միդլբերի միջազգային հետազոտությունների ինստիտուտի փորձագետ Ջեֆրի Լյուիսը նշել է, որ խոսքը գնում է «մեգատոննային հզորության հսկայական ջերմամիջուկային զենքի» մասին, ինչը «սարսափ է ներշնչում»։ Նրա խոսքով՝ նման զինատեսակը կարող է էականորեն փոխել ռազմավարական հավասարակշռությունը։
Ավելի վաղ Ռուսաստանի նախագահը հայտարարել էր, որ «Պոսեյդոն»-ը նախատեսված է ռազմածովային ուժերի համար։
