ԱՄՆ-ը չի բացառել Tomahawk հրթիռների մատակարարումը Ուկրաինային. Զելենսկի

Ուկրաինայի նախագահ Վլադիմիր Զելենսկին հայտարարել է, որ Վաշինգտոնից ստացվել են «դրական ազդակներ»՝ ամերիկյան երկար հեռահարության Tomahawk տեսակի հրթիռների հնարավոր մատակարարման հարցում։ Ինչպես հաղորդում է «ՌԲԿ-Ուկրաինա»-ն, Զելենսկին ընդգծել է, որ ԱՄՆ նախագահ Դոնալդ Թրամփը հանդիպման ընթացքում չի ասել հստակ «ոչ» այս հարցի շուրջ։

Զելենսկու խոսքով՝ Ուկրաինան շարունակական կապի մեջ է ԱՄՆ-ի հետ և լսում է որոշ հուսադրող արձագանքներ պաշտպանական ոլորտում համագործակցության վերաբերյալ։ Նրա խոսքով՝ Կիևը հետաքրքրված է ավելի լայն սպառազինության մատակարարմամբ՝ ներառյալ հրթիռային համակարգեր, որոնք կարող են բարձրացնել երկրի պաշտպանունակությունը։

Զելենսկին չի մանրամասնել, թե երբ կարող են կայանալ կոնկրետ որոշումներ կամ բանակցություններ Tomahawk հրթիռների թեմայով, սակայն հավելել է, որ ակնկալում է առաջընթաց արդեն մոտ ժամանակներում։