ՏԵՍԱՆՅՈՒԹ. Սիրիայի նոր ղեկավարը հրաժարվել է ձեռքսեղմումով ողջունել Գերմանիայի արտգործնախարարին

Չհայտարարված այցով Սիրիայում գտնվող Աննալենա Բերբոկը Ֆրանսիայի ԱԳՆ ղեկավարի հետ միասին հանդիպել է Սիրիայի նոր կառավարության ղեկավար Աբու Մուհամմադ ալ Ջուլանիի հետ: Համացանցում հրապարակվել են հանդիպումից կադրեր, որոնցում երևում է, թե ինչպես է Սիրիայի նոր առաջնորդը ձեռքսեղմումով ողջունում միայն Ֆրանսիայի ԱԳՆ ղեկավարին, մինչդեռ Գերմանիայի ԱԳՆ կին ղեկավարի դեպքում ալ Ջուլանին ձեռնպահ է մնում: 

Հիշեցնենք, որ Դամասկոսում բանակցություններ են վարել Գերմանիայի և Ֆրանսիայի արտգործնախարարները։ Թեմաները ներառում են Սիրիայում ռուսական ռազմակայանների ապագան և Գերմանիայից սիրիացի փախստականների հայրենիք վերադարձի հեռանկարները: