Ռուսաստանը կառուցում է հակաարևմտյան առանցք Չինաստանի, Իրանի և ԿԺԴՀ-ի հետ
ՆԱՏՕ-ի գլխավոր քարտուղար Մարկ Ռյուտտեն հայտարարել է, որ Ռուսաստանը պատրաստվում է երկարաժամկետ հակամարտության, միաժամանակ խորացնելով համագործակցությունը Չինաստանի, Հյուսիսային Կորեայի, Իրանի և այլ պետությունների հետ։
Նրա խոսքով՝ Մոսկվան միայնակ չէ միջազգային կարգը խաթարելու իր ջանքերում․
«Ռուսաստանը ձևավորում է աննախադեպ մակարդակի պաշտպանական և արդյունաբերական համագործակցություն իր դաշնակիցների հետ»,- ասել է Ռյուտտեն։
ՆԱՏՕ-ի ղեկավարը զգուշացրել է, որ դաշինքը չպետք է դրսևորի միամտություն և պետք է պատրաստ լինի հնարավոր մարտահրավերներին։ Նա հիշեցրել է ԱՄՆ նախագահ Ֆրանկլին Ռուզվելթի 1942 թվականի խոսքերը՝ ընդգծելով, որ հզոր հակառակորդներին անհրաժեշտ է գերազանցել ոչ միայն մարտի դաշտում, այլև արտադրական հնարավորություններով։
