Նեթանյահուն Թուրքիային մեղադրել է Իսրայելի նկատմամբ թշնամական վերաբերմունքի մեջ

Իսրայելի վարչապետ Բենիամին Նեթանյահուն հայտարարել է, որ Իսրայելի և Թուրքիայի միջև հակամարտություն չպետք է լինի՝ ընդգծելով, որ պետությունների հարաբերությունները պետք է հիմնվեն իրատեսական մոտեցման վրա։ Նրա խոսքով՝ տարբեր երկրներ կարող են ունենալ բարդ և երբեմն հակասական շահեր, սակայն կարևորը սեփական ազգային շահերը վտանգի չդնելն է։

«Եթե հնարավոր է լիովին ձեռք բերել որևէ երկրի աջակցությունը՝ դա լավ է, իսկ եթե ոչ՝ պետք է հստակ հասկանալ, թե ում հետ ես գործ ունես և չնայել ամեն ինչին իդեալականացրած տեսանկյունից»,- ասել է Նեթանյահուն՝ հավելելով, որ այդ սկզբունքով է մոտենում այն պետություններին, որոնք Իսրայելի լիարժեք դաշնակից չեն։

Նրա խոսքով՝ վերջին տարիներին Թուրքիան հանդես է եկել Իսրայելի և սիոնիզմի նկատմամբ բացահայտ թշնամական դիրքերից, ինչը, վարչապետի գնահատմամբ, ցավալի է, քանի որ երկու երկրների միջև հակամարտության պատճառներ չկան։

«Մենք իրավիճակին նայում ենք սթափ և գործնական աչքով», - նշել է նա։