Ռուսաստանի ԱԳՆ-ից նախազգուշացրել են Եվրամիությանը
Ռուսական ակտիվների հնարավոր բռնագրավման դեպքում Եվրամիությունը «կզգա Մոսկվայի արձագանքը»։ Այս մասին «Իզվեստիա» թերթին տված հարցազրույցում հայտարարել է Ռուսաստանի փոխարտգործնախարար Ալեքսանդր Գրուշկոն։
Դիվանագետը ընդգծել է, որ Բրյուսելը և այլ եվրոպական մայրաքաղաքներ, որոնք հատկապես եռանդուն կերպով աջակցում են ռուսական ակտիվների փաստացի բռնագրավմանը, կարող են վստահ լինել, որ Մոսկվան բավարար ռեսուրսներ ունի համապատասխան քաղաքական և տնտեսական արձագանքի համար։ Հետևաբար, Ռուսաստանի արձագանքը կզգացվի Եվրամիությունում։
Արտգործնախարարի տեղակալը նշել է, որ հետևանքները երաշխավորված են բռնագրավումների նախաձեռնողների և դրանց մասնակցողների համար։ Նա նշել է, որ Ռուսաստանի սեփականության իրավունքները հարգելու հանրային մերժումը կհանգեցնի Եվրոպայի ֆինանսական հատվածի նկատմամբ վստահության փլուզման և կապիտալի մեծածավալ արտահոսքի։
