Թրամփը հայտնել է` ինչպես է մահափորձն ազդել իր կյանքի վրա
ԱՄՆ նախագահ Դոնալդ Թրամփը հայտարարել է, որ 2024 թվականի ամռանը իր դեմ կատարված մահափորձը զգալի ազդեցություն է ունեցել իր կյանքի նկատմամբ հայացքների վրա։ Թրամփի խոսքերը մեջբերել է լրագրող Ջոնաթան Կարլը իր «Հատուցում. Դոնալդ Թրամփը և Ամերիկան փոխած քարոզարշավը» գրքում:
«Ես չեմ սիրում մտածել դրա մասին։ Բայց, այո, կարծում եմ, որ այն ազդեցություն է ունեցել», -նշել է Թրամփը լրագրողի հարցին ի պատասխան։
Կարլի տեղեկացմամբ՝ զրույցը կայացել է մահափորձից երկու օր անց՝ երբ Թրամփը դեռ գտնվում էր հանրային ուշադրության կենտրոնում՝ որպես ԱՄՆ նախագահի թեկնածու։
Լրագրողը հավելել է, որ այդ պահին Թրամփի ձայնը հնչել է ավելի հանգիստ, քան երբևէ նախկինում։
